Այն դեպքերում, երբ Բեռի համար գին հայտարարագրված չէ, ապա մաքսային մարմինները իրավասու են օրենքով սահմանված կարգով որոշել Բեռի գինը:
Ըստ մաքսային օրենքի՝
- Եթե ֆիզիկական անձի անունով ՀՀ ժամանած յուրաքանչյուր առաքանու արժեքը չի գերազանցում 200 եվրոն և քաշը չի գերազանցում 31 կգ-ը, ապա մաքսային վճար չի առաջանում։
- Եթե ներմուծվող առաքանու քաշը չի գերազանցում 31 կգ-ը, իսկ արժեքը գերազանցում է 200 եվրոն, ապա սահմանվում է 15% մաքսային վճար՝ 200 եվրոն գերազանցող մասի համար։
- Եթե առաքանու քաշը գերազանցում է 31 կգ-ը, ապա առաջանում է մաքսային վճար՝ առաքանու ամբողջ արժեքի 15%-ի չափով կամ 31կգ-ը գերազանցող յուր․ կգ-ը 2 եվրո հաշվարկվելով։
- Եթե առաքանին գերազանցում է օնլայն անմաքս գնումների սահմանված և՛ գումարային, և՛ քաշի շեմը, ապա որպես մաքսավճար է հաշվարկվում դրանցից առավելագույնը։
ONEX-ի համակարգում նախապես անհրաժեշտ է հայտարարագրել առաքանու գինը: Մաքսատանը զննման ընթացքում, եթե մաքսավորների համար այլ հարցեր չեն առաջանում, ապա առաքանին տրամադրվում է մեզ ու փոխադրվում հաճախորդի հիմնական ստացման վայր։
Մաքսավճարը հնարավոր է վճարել՝
- օնլայն
անմիջապես Ձեր ONEX-ի անձնական էջից, «Վճարել» կոճակի միջոցով - բանկի միջոցով
վճարումը կատարելուց հետո պետք է տրամադրել վճարման կտրոնը - online banking-ի միջոցով
- «ԻզիՓեյ» համակարգի միջոցով
Առաքանիները ՀՀ ժամանելուն պես անցնում են մաքսային զննում, որը իրականացվում է
ՀՀ Արևմտյան Մաքսատուն-Վարչությունում:
Մաքսային զննման ժամանակ Օնէքս ընկերության աշխատակիցները համարվում են հաճախորդի լիազորված անձիք, որոնք մաքսային զննման գործընթացում ապահովում են անխնդիր աշխատանք։
Ֆիզիկական անձանց բեռները դուրս են բերվում մաքսատնից և հանձնվում հասցեատերերին այն դեպքերում, եթե մաքսային մարմինների կողմից չեն պահանջում հավելյալ զննում մի քանի պատճառներից ելնելով։
Առաքանիները մնում են մաքսատանը հետևյալ պատճառներով՝
- Մաքսատանը չեն հավատում հայտարարագրված արժեքին
- Առաքանին դիտարկում են՝ որպես ոչ անձնական օգտագործման համար նախատեսված ապրանքատեսակ կամ առևտրային քանակություն
Նման դեպքերում Օնէքսը փորձ կատարում է բեռները մաքսատնից դուրս բերելու, սակայն վերջնական որոշումը կայացնում են մաքսավորները: Փորձը կարող է տևել 5-10 աշխ․ օր, որից հետո Օնէքսը տեղեկացնում է մաքսատան որոշման մասին էլ․ նամակի միջոցով:
Տիրազուրկ է համարվում այն բեռը, որը չի ունենում սեփականատեր, ստացող անձ կամ որի սեփականատերը անհայտ է կամ հրաժարվել է դրա նկատմամբ սեփականության իրավունքից։
Բեռի տիրազուրկ ճանաչման համար կարող են դիմել միայն Չինաստանից և ԱՄՆ-ից ներմուծված բեռների պարագայում։ Հարկ է նշել, որ երկուսի դեպքում էլ բեռներն արտահանվում են ԱՄՆ։Առաքանին տիրազուրկ կարող է համարվել հօգուտ պետության կամ ետ վերադարձի նպատակով։